தமிழக வாழ்வுரிமை கட்சியின் கோவை மண்டல நிர்வாகிகள் ஆலோசனைக் கூட்டம்

தமிழக வாழ்வுரிமைக் கட்சியின் கோவை மண்டல நிர்வாகிகள் ஆலோசனைக் கூட்டம்,  கோயம்புத்தூரில் 26.08.2014 அன்று நடைபெற்றது. இதில், சிறப்பு விருந்தினராக  தமிழக வாழ்வுரிமை கட்சியின் நிறுவனத்  தலைவர் பண்ருட்டி தி.வேல்முருகன் கலந்துகொண்டார்.மாநில பொதுச்செயலாளர் காவேரி, மாநில துணைசெயலாளர் காமராஜ், தென்மண்டல பொதுச்செயலாளர் தமிழ்நேசன், மாநில துணைச்செயலாளர் வீரான் ராவுத்தர் உள்ளிட்ட நிர்வாகிகள் பங்கேற்றனர்.

Read more...

நாமக்கல் மாவட்டம் குமாரபாளையத்தில்உள்ள எஸ்.எஸ்.எம்.பொறியியல் கல்லூரியில் பன்னாட்டு மகளிர் தொழில் முனைவோர் கருத்தரங்கில் சிங்கள தொழில்முனைவோர் கலந்து கொண்டதற்கு எதிர்ப்பு தெரிவித்து தமிழக வாழ்வுரிமைக் கட்சியின் சார்பில் முற்றுகைப் போராட்டம்

குமாரபாளையத்தில் நடைபெறும் கருத்தரங்கில் சிங்கள தொழில்முனைவோர் கலந்து கொண்டதற்கு எதிர்ப்பு தெரிவித்து முற்றுகைப் போராட்டம் நடத்திய தமிழக வாழ்வுரிமைக் கட்சியினர் 50 பேர் கைது செய்யப்பட்டுள்ளனர்.

நாமக்கல் மாவட்டம் குமாரபாளையத்தில் உள்ள எஸ்.எஸ்.எம்.பொறியியல் கல்லூரியில் இன்றும் நாளையும் (22.08.2014 & 23.08.2014) பன்னாட்டு மகளிர் தொழில் முனைவோர் மாநாடு நடைபெறுகிறது. இதில் இலங்கையிலிருந்து ஏழு சிங்களப் பெண் தொழில்னைவோர் பங்கேற்றுள்ளனர். இவர்கள் இக்கருத்தரங்கில் கலந்து கொண்டு இலங்கையில் தொழில் தொடங்குவதற்கான வாய்ப்புகள் குறித்து கருத்து தெரிவிப்பர். இது இலங்கை மீது பொருளாதார தடை விதிக்க வேண்டும் என்ற தமிழக சட்டசபை தீர்மானத்துக்கு எதிரானது தமிழ் அமைப்புகளின் கருத்து.

இதனால் சிங்கள தொழில்முனைவோரை அனுமதிக்கக் கூடாது என்பதை வலியுறுத்தி இன்று குமாரபாளையத்தில் தமிழக வாழ்வுரிமைக் கட்சியின் பொதுச்செயலாளர் வை.காவேரி தலைமையில் எஸ்.எஸ்.எம். பொறியியல் கல்லூரியை முற்றுகையிட்டு போராட்டம் நடைபெற்றது. இதனைத் தொடர்ந்து அங்கு குவிக்கப்பட்டிருந்த காவல்துறையினர் முற்றுகைப் போராட்டத்தில் ஈடுபட்ட தமிழக வாழ்வுரிமைக் கட்சியினரை கைதுசெய்தனர்.

Read more...

தமிழக வாழ்வுரிமைக் கட்சியின் ஓமலூர் மேற்கு ஒன்றிய செயலாளர் அன்புராஜா கட்சியின் கட்டுபாட்டை மீறியதால் பதவியிலிருந்து நீக்கம்

தமிழக வாழ்வுரிமைக் கட்சியின் மாநில பொதுச் செயலாளர் வை.காவேரி அவர்கள் வெளியிட்டுள்ள அறிக்கை:

தமிழக வாழ்வுரிமைக் கட்சியின் ஓமலூர் மேற்கு ஒன்றிய செயலாளராக இது நாள் வரை செயல்பட்டு வந்த அன்புராஜா, கட்சியின் செயல்பாட்டிற்கு களங்கம் ஏற்படுத்தும் வகையில் செயல்பட்ட காரணத்தால், அவரை, ஒன்றிய செயலாளர் மற்றும் கட்சியின் அடிப்படை உறுப்பினர் பதவிகளில் இருந்து நீக்கப்படுகிறார். இனிமேல், கட்சி நிர்வாகிகள், அவருடன் தொடர்பு வைத்துக் கொள்ள வேண்டாம்.

Read more...

நாடாளுமன்ற தேர்தலில் 40 தொகுதியிலும் அ.தி.மு.க.வெற்றி பெற்று தமிழக முதல் அமைச்சர் ஜெயலலிதா அவர்கள் பிரதமராக கடுமையாக உழைக்க வேண்டும் - சேலத்தில் நடைபெற்ற தமிழக வாழ்வுரிமைக் கட்சியின் 3–ம் ஆண்டு தொடக்க விழா மாநாட்டில் தி.வேல்முருகன் பேச்சு

தமிழக வாழ்வுரிமைக்  கட்சியின் 3–ம் ஆண்டு தொடக்க விழா மற்றும் தமிழர் வாழ்வுரிமை மாநாடு சேலம் போஸ் மைதானத்தில் நேற்று 23.02.2014 மாலை நடந்தது.

தொடக்க விழா மாநாட்டிற்கு முன்னாள் சட்டமன்ற உறுப்பினரும் மாநில பொதுச்செயலாளருமான வை.காவேரி தலைமை வகித்தார். முன்னாள் சட்டமன்ற உறுப்பினரும், மாநில அமைப்பு செயலாளரும், மே.ப.காமராஜ் வரவேற்றார். இணை பொது செயலாளர் சண்முகம், தலைமை நிலைய செயலாளர் கனல்கண்ணன், கொள்கை பரப்பு துணை செயலாளர் செந்தில்குமார் ஆகியோர் முன்னிலை வகித்தனர். மாநில துணை தலைவர் சம்பத், சேலம் மாநகர தலைவர் பாலு, செயலாளர் வெங்கடேஷ், மாநில பொருளாளர் சத்தியமூர்த்தி, மாநில பொறுப்பாளர் ஜெயமோகன், முத்து, வீராசாமி, செல்வராஜூ உள்பட பலர் கலந்து கொண்டனர்.

மாநாட்டில் தமிழக வாழ்வுரிமைக்  கட்சியின் நிறுவனத் தலைவர் தி.வேல்முருகன் சிறப்புரையாற்றி பேசியது:
இந்த மாநாடு தேர்தலுக்காக நடத்தவில்லை. அப்படி நடத்தினால் சேலம் மாநகரம் தாங்காது. தமிழ் சமூகத்திற்காக தான் இந்த மாநாடு நடக்கிறது. பேரறிவாளன், சாந்தன், முருகன் 3பேரின் விடுதலை குறித்து அரசு முடிவெடுக்கலாம் என்று உச்சநீதிமன்றம் அறிவித்தது. இதையடுத்து பேரறிவாளன் தாயார் அற்புதம்மாளும், நானும் தமிழக முதல்– அமைச்சர் ஜெயலலிதாவை சந்தித்து அவர்களை விடுதலை செய்ய வேண்டும் என்று கோரிக்கை விடுத்தோம்.

மாநில அரசின் அதிகாரத்தை பயன்படுத்தி தமிழக முதல்–அமைச்சர் ஜெயலலிதா 7பேரை விடுதலை செய்து அறிவித்தார். மேலும் மத்திய அரசை எதிர்த்து துணிந்து நின்று 3நாட்களில் விடுதலை என்பதையும் அறிவித்தார். இது இந்திய வரலாற்றிலேயே சிறப்பு வாய்ந்ததாகும். வரும் பாராளுமன்ற தேர்தலில் தமிழக முதல்– அமைச்சர் ஜெயலலிதா தலைமையிலான கூட்டணிக்கு நாங்கள் முழுமையான ஆதரவு அளிக்கிறோம். 40 தொகுதிகளிலும் வெற்றி பெற கடுமையாக உழைப்போம். சிலர் கூட்டணிக்காக இன்னமும் அலைந்து கொண்டிருக்கிறார்கள். நாங்கள் சீட்டுக்காகவோ, நோட்டுக்காகவோ அ.தி.மு.கவுக்கு செல்லவில்லை.

இந்த மாநாட்டில் திரண்டுள்ள லட்சக் கணக்கான தொண்டர்கள் மற்றும் தலைவர்கள் , நிர்வாகிகள் முன்னிலையில் பிறந்த நாள் காணும் தமிழக முதலமைச்சர் ஜெயலலிதா பல்லாண்டு காலம் வாழ வேண்டும் என்ற வாழ்த்துக்களை தெரிவித்து கொள்கிறேன். பாராளுமன்ற தேர்தலில் அ.தி.மு.க. வெற்றி பெற்று 3–வது அணிக்கு தமிழக முதல் அமைச்சர் ஜெயலலிதா தலைமையேற்று பிரதமராக வேண்டும்.

கூட்டத்தில் நிறைவேற்றப்பட்ட தீர்மானங்கள்:

1. மேட்டூர் அணையில் இருந்து மழைக்காலங்களில் வீணாகும் மழைநீரை சேலத்தை சுற்றி உள்ள மாவட்டங்களில் இருக்கும் குளம் மற்றும் ஏரிகளில் தேக்கி வைத்து விவசாயிகள் பயன்பெறும் வகையில் திட்டம் வகுத்திட தமிழக அரசை கேட்டு கொள்கிறோம்.

2. சேலத்தில் இருந்து தென் மாவட்டங்களுக்கு நாமக்கல் வழியாக கூடுதல் ரெயில்கள் இயக்க வேண்டுமெனவும்.

3. சேலம்–சென்னை விழுப்புரம் வழியாக செல்லும் ரெயிலை மேட்டூர் வரைக்கும் நீட்டிக்க வேண்டுமெனவும் மத்திய அரசை கேட்டு கொள்வது என்பது உள்பட 21 தீர்மானங்கள் நிறை வேற்றப்பட்டது.

Read more...

மேட்டூரில் 10 இடங்களில் தமிழக வாழ்வுரிமைக் கட்சியின் கொடியேற்று விழா 12.01.2014 அன்று நடைபெற்றது

சேலம் மாவட்டம் மேட்டூரில் தமிழக வாழ்வுரிமைக் கட்சியின் கொடியேற்று விழா 12.01.2014 (ஞாயிற்றுக்கிழமை) அன்று நடைபெற்றது.

சதுரங்காடியில் உள்ள காந்தி சிலைக்கு தமிழக வாழ்வுரிமைக் கட்சியின் மாநில பொதுச் செயலாளர் வை.காவேரி, அமைப்பு செயலாளர் மே.ப.காமராஜ் ஆகியோர் மாலை அணிவித்து கொடியேற்று விழாவை தொடங்கி வைத்தனர். மாநிலச் செயற்குழு உறுப்பினர் ஜமுனா, மாவட்ட செயலாளர் வீராசாமி, பொருளாளர் ராஜ்குமார், மேட்டூர் நகரப் பொறுப்பாளர் வைத்தியர் மணி, மகளிர் அணி நிர்வாகி கலைச்செல்வி உள்பட ஏராளமானோர் கலந்து கொண்டனர். துக்கனாம்பட்டி, சேலம் கேம்ப், சின்னப்பார்க், பேருந்து நிலையம், பொன்நகர் உள்பட 10 இடங்களில் கட்சிக் கொடியேற்றி இனிப்புகள் வழங்கப்பட்டன.

Read more...

தமிழக வாழ்வுரிமைக் கட்சியின் சேலம் மேற்கு மாவட்ட பொதுக்குழுக் கூட்டம்

தமிழக வாழ்வுரிமைக் கட்சியின் சேலம் மேற்கு மாவட்ட பொதுக்குழுக் கூட்டம் 22.12.2013 (ஞாயிற்றுக்கிழமை) அன்று காலை 9.00 மணி அளவில் மேச்சேரி விஜயா மஹாலில் நடைபெற்றது.

பொதுக்குழுக் கூட்டத்துக்கு கட்சியின் மேற்கு மாவட்டச் செயலர் ஓ.கே.வீராசாமி தலைமை வகித்தார். மேச்சேரி ஒன்றியச் செயலர் ஜெகநாதன் வரவேற்று பேசினார். மாநிலப் பொதுச் செயலாளர் வை.காவேரி, மாநில அமைப்புச் செயலாளர் மே.ப.காமராஜ் ஆகியோர் கலந்து கொண்டு பேசினர். மாநிலக் கொள்கைப் பரப்புச் செயலாளர் செந்தில்குமார், மாநிலப் பொறுப்பாளர் சத்தியமூர்த்தி, சேலம் மாவட்டப் பொருளாளர் ஜமுனா, மாவட்ட இளைஞர் அணி தலைவர் கார்த்திக், சபரீஷ், செயலாளர் மோகன் உள்ளிட்ட நிர்வாகிகள் கலந்து கொண்டனர்.

பிப்ரவரி 2-ஆம் தேதி சேலம் போஸ் திடலில் நடைபெறும் கட்சியின் மூன்றாம் ஆண்டு தொடக்க விழாவில் சேலம் மேற்கு மாவட்டம் சார்பில் 5ஆயிரத்துக்கும் அதிகமானோர் பங்கேற்பது என்பது உள்ளிட்ட தீர்மானங்கள் நிறைவேற்றப்பட்டன.

Read more...

ஈரோடு மாவட்ட தமிழக வாழ்வுரிமைக் கட்சியின் அலுவலகம் திறப்புவிழா

தமிழக வாழ்வுரிமைக் கட்சியின் ஈரோடு மாவட்ட அலுவலகம் திறப்புவிழா 07.12.2013 அன்று நடைபெற்றது. விழாவில் தமிழக வாழ்வுரிமைக் கட்சியின் மாநில பொதுச் செயலாளர் வை.காவேரி புதிய அலுவலகத்தினை திறந்து வைத்தார். மாநில அமைப்பாளர் காமராஜ் பங்கேற்றார்.

Read more...

திருப்பூர் மாவட்டம் மூலனூரில் பா.ம.க.வினர் 100 பேர் தமிழக வாழ்வுரிமைக் கட்சியில் இணையும் விழா

திருப்பூர் மாவட்டம் மூலனூரில் பா.ம.க.வினர் 100 பேர் தமிழக வாழ்வுரிமைக் கட்சியில் இணையும் விழா மூலனூர் அலுவலகத்தில் நடைபெற்றது.

இந்த விழாவில் மூலனூர் ஒன்றியத்தில் இருந்து சுமார் 100பேர் முன்னாள் பா.ம.க. ஒன்றிய செயலாளர் ரமேஷ் தலைமையில் தமிழக வாழ்வுரிமைக் கட்சியில் இணைந்தனர். திருப்பூர் கிழக்கு மாவட்ட செயலாளர் பொறுப்பு ரமேஷ்க்கு வழங்கப்பட்டது.

விழாவில் தமிழக வாழ்வுரிமைக் கட்சியின் மூலனூர் தெற்கு ஒன்றிய செயலாளர் ராஜேந்திரன் தலைமை தாங்கினார். மாநில அமைப்பு செயலாளர் காமராஜ் முன்னிலை வகித்தார். வெள்ளகோவில் ஒன்றிய அமைப்பு செயலாளர் நேமிநாதன், தெற்கு ஒன்றிய தலைவர் ராமசாமி, பொருளாளர் ஈஸ்வரி, கன்னிவாடி பேரூர் செயலாளர் தர்மலிங்கம், தலைவர் குமரவேல், பேரூர் இளைஞரணி செயலாளர் கருப்புச்சாமி, ஒன்றிய இளைஞரணி செயலாளர் மோகன்ராஜ் ஆகியோர் கலந்து கொண்டனர்.

விழாவில் தமிழக வாழ்வுரிமைக் கட்சியின் பொதுச்செயலாளர் காவேரி கலந்து கொண்டு பேசியது:

மூலனூர் ஒன்றிய பகுதிகளில் அதிக அளவில் உறுப்பினர்களை சேர்க்க அனைத்து பொறுப்பாளர்களும் ஒற்றுமையுடன் பாடுபட வேண்டும் என்றார்.

Read more...

விளை நிலங்களில் கெயில் நிறுவனம் எரிவாயு குழாய் பதிக்க அனுமதி: விவசாயிகள் உச்ச நீதிமன்றத்தில் மேல்முறையீடு செய்ய சட்டரீதியான உதவிகளை தமிழக வாழ்வுரிமைக் கட்சி மேற்கொள்ளும் - வை.காவேரி அறிவிப்பு

தமிழக வாழ்வுரிமைக் கட்சியின் மாநிலப் பொதுச் செயலாளர் வை.காவேரி செவ்வாய்க்கிழமை (26.11.2013)  அன்று சேலத்தில் அளித்த பேட்டி:

சீனாவில் கடந்த வாரம் எண்ணெய் குழாய் வெடித்ததில் பெருமளவில் பாதிப்பு ஏற்பட்டது. அதேபோல தமிழகத்தில் சேலம், கிருஷ்ணகிரி, தர்மபுரி உள்ளிட்ட ஆறு மாவட்டங்களின் விளை நிலங்கள் வழியாக கெயில் நிறுவனம் அமைக்கும் எரிவாயு குழாய்கள் வெடித்தால் அதன் பாதிப்பு 5 கி.மீ. தொலைவுக்கு இருக்கும் எனக் கூறப்படுகிறது.

உயர் நீதிமன்றம் அளித்துள்ள தீர்ப்பை மட்டுமே அடிப்படையாகக் கொண்டு கெயில் நிறுவனம் விளை நிலங்களில் எரிவாயு குழாய்களை பதிக்க முடியாது. ஏனெனில், விவசாயிகளை சமாதானம் செய்து எரிவாயு குழாய் பதிக்க தமிழக அரசு ஒத்துழைக்க வேண்டும் என்றும் தீர்ப்பில் கூறப்பட்டுள்ளது. இதன்படி, பல கூட்டங்கள் நடத்தி விவசாயிகளை சமாதானம் செய்திட பல ஆண்டுகளாகக் கூடும். தவிர, பாதிக்கப்படும் விவசாயிகளும் தனித்தனியாக உச்ச நீதிமன்றத்தில் மேல்முறையீடு செய்யவும் வாய்ப்புள்ளது என்பதால் அதுவரை கெயில் நிறுவனம் எரிவாயு குழாய்களை பதிக்க முடியாது. இதன்படி, விவசாயிகள் மேல்முறையீடு செய்ய சட்டரீதியான உதவிகளை தமிழக வாழ்வுரிமைக் கட்சி மேற்கொள்ளும்.

தற்போது நீதிமன்றங்களில் நடக்கும் விவாதங்களை யாரும் தெரிந்து கொள்ள முடிவதில்லை. இதை வழக்குடன் சம்பந்தப்பட்டவர்கள் தெரிந்து கொள்ள வாய்ப்பாக நீதிமன்றங்களில் கண்காணிப்பு கேமராக்கள் வைக்க வேண்டும். தவிர, மகளிருக்கென தனி நீதிமன்றம் உள்ளதுபோல விவசாயிகளுக்காகவும் தனி நீதிமன்றம் அமைக்க வேண்டும். அப்போதுதான் விவசாயிகளின் பிரச்னைகளை விரைவில் தீர்க்க முடியும் என்றார் அவர்.

பேட்டியின்போது மாநிலச் செயற்குழு உறுப்பினர் கே.ஜெயமோகன், மாநகர் மாவட்டச் செயலாளர் எஸ்.வெங்கடேஷ், மாவட்டத் தலைவர் கே.பாலு உள்ளிட்டோர் உடனிருந்தனர்.

Read more...